വേനല്‍ച്ചൂടു പകുത്ത്‌,
വര്‍ഷക്കുളിരു പകുത്ത്‌,
ഋതുക്കള്‍ പൊഴിഞ്ഞതറിയാതെ
നിന്നെ ഞാന്‍ സ്നേഹിച്ചിരുന്നു.
ഓരോ മഴയിലും
കുളിരായ്‌ നീ പെയ്തതും
പൂവായ്‌ വിരിഞ്ഞതും
ഇന്നലെക്കഴിഞ്ഞപോലെ
വേനല്‍ച്ചൂടില്‍
ഓര്‍മ്മകള്‍ വേരോടറുത്ത്‌
നീ എന്നെ പിരിഞ്ഞത്‌
ഇന്നിന്റെ യാഥാര്‍ത്ഥ്യം
മനസ്സില്‍ പതിഞ്ഞ നിറ സൌഹൃദം
മറവിയില്‍ മാഞ്ഞില്ലെങ്കില്‍
നീ മറക്കുക, ക്ഷമിക്കുക
എനിക്കു നീയാവാന്‍ വയ്യ
Monday, May 26, 2008
Monday, April 14, 2008
കണിക്കൊന്നയില്ലാത്ത വിഷു
വിഷുവിനെക്കുറിച്ചുള്ള ഓര്‍മ്മകളില്‍ നിറഞ്ഞു നില്‍കുന്നത്‌ ഉതിരുകളായി ചിരിച്ചൊഴുകുന്ന കൊന്നപ്പൂവാണ്‌. ഇക്കുറി ഒരല്‍പ്പം കൊന്നപ്പൂവിനുപോലും വിഷമമായി. പൊന്നു വെക്കേണ്ടിടത്ത്‌ പൂവു വെച്ചു ശീലിച്ചതിനാല്‍ അല്‍പം വിഷമം തോന്നി.
പടക്കങ്ങളുടെ കാതടപ്പിക്കുന്ന ശബ്ദവും, നിലച്ചക്രത്തിന്റെയും, പൂക്കുറ്റിയുടെയും വര്‍ണ്ണങ്ങളും വിസ്മയം നിറച്ച കുട്ടിക്കാലത്തെ ഓര്‍മ്മകളില്‍ കൊന്നപ്പൂവിന്‌ ഒരിക്കലും ക്ഷാമമുണ്ടായിട്ടില്ല.
ഓലപ്പടക്കവും, കൊന്നപ്പൂവുമൊന്നുമില്ലാതെ വിഷു പൂര്‍ണ്ണമാവില്ലെന്നൊരു തോന്നല്‍. എന്റെ കൊച്ചനുജന്മാര്‍ക്കും, അനിയത്തിമാര്‍ക്കും നഷ്ടമാവുന്നത്‌ നന്മയുടെ ഒരുത്സവമാണ്‌.
"എങ്കിലുമീ കണിക്കൊന്ന പൂത്തുനില്‍പ്പൂ വീണ്ടും
മണ്ണിലുണ്ടു നന്മകള്‍തന്‍ തുള്ളികള്‍ വറ്റാതെ"
- ഓ. എന്‍. വി.
മനസ്സില്‍ അവശേഷിക്കുന്ന ഒരിറ്റു നന്മ ഒരു കൊന്നപ്പൂവിനോടൊപ്പം എല്ലാ ഇളമുറക്കാര്‍ക്കുമായി ഞാന്‍ വീതിക്കട്ടെ.
സര്‍വ്വൈശ്വര്യം നിറഞ്ഞ ഒരു വര്‍ഷം ഏവര്‍ക്കും ആശംസിച്ചുകൊണ്ട്‌ ഒരിക്കല്‍ക്കൂടി വിഷു ആശംസകള്‍.
Subscribe to:
Posts (Atom)
