Saturday, December 22, 2007

ജന്മദിനം

മിഴിയിണകളില്‍ തുളുമ്പുമശ്രുക്കള്‍
അടര്‍ന്നുവീഴുന്നോ അകം നിറയുന്നോ
കവിഞ്ഞു പോയൊരെന്‍ പ്രണയമൊക്കെയും
പകര്‍ത്തിയീത്താളില്‍ നിനക്കുനല്‍കുവാന്‍

അകലുവാനായാണടുത്തതെങ്കിലും
മനം നിറയും നിന്‍ സ്മരണമാത്രയില്‍
മുറുകിനില്‍ക്കുമെന്‍ ഹൃദയതന്ത്രികള്‍
ഉയിര്‍ക്കുമായിരം തരള താളങ്ങള്‍

മനസ്സുതിര്‍ക്കുമീ ചെറു സ്പന്ദങ്ങളെ
പകുത്തുനല്‍കട്ടെ പ്രണയമുദ്രയായ്‌
ശേഷിച്ചതില്ല മറ്റൊന്നുമിന്നേകുവാന്‍
നേരുന്നു നന്മകള്‍ ആയിരമായിരം